內地龍頭拍賣行保利文化（3636）招股反應熱烈，翻閱招股書，公司搵到著名考古學者李伯謙任獨立非執董。已故「紅色」商人徐展堂曾經想到北京大學做考古系研究生，就被擔任系主任嘅李伯謙拒絕。
李伯謙今年77歲，1961年起做北京大學考古系教師，1992年起擔任北大考古博文學院院長、考古系主任等多個職位，曾經有四年做夏商周斷代工程首席科學家。2008年考古人員陸續喺山東高青縣陳莊發現一批包括銅觥、銅簋嘅青銅器，部份刻有銘文，後來就係由李伯謙等多位國內專家認定，銘文寫嘅「齊公」就係姜太公。
有「古董大亨」之稱嘅徐展堂曾經想到北大讀考古，都係被李伯謙拒絕，真係富商都冇面畀。不過咁，李伯謙喺考古方面夠晒權威，擔任獨董睇住公司治理唔知又掂唔掂呢？