熊黛林、杜汶澤、容祖兒、Twins及任達華等昨晚出席英皇娛樂、英皇電影在灣仔舉行的春茗，回復單身後的熊黛琳性感現身，狀態越戰越勇，看來努力工作是治療失戀的良方。任達華與全智賢、金秀賢當年合作《盜賊門》而成為好友，問到華哥有否捧老友場看《來自星星的你》？他笑說：「睇咗一集！」據聞香港有意開拍港版《星星》，華哥說：「其實香港人拍嘅話，應該搵番佢哋做，聽講呢套戲搞緊新劇本，可能有機會同全智賢再合作！」
被大學講師指為本報口述專欄的杜汶澤，在活動上回應：「唔緊要，我對大眾嚟講係爛泥扶唔上壁，一睇我個樣邊識字，但其實寫幾個中文字有幾難？就算中五都識喇！𠵱家專欄嘢我覺得必須做，因為我每個月多咗收入，點解唔賺多啲？」
受聲沙困擾的祖兒稱，已針灸了一星期，仍未有進展，笑稱她不如搞喜事沖喜，她笑說：「係咪要搞個大肚腩？」此外，周慧敏於春茗上宣佈加盟英皇唱片，並進行簽約儀式，謝霆鋒希望能合作拍戲。與經理人鍾珍結伴而來的張家輝，笑稱將下半生交給鍾珍。
採訪：馬建華、藍文浩
攝影：陳慧安、陳順禎
