熱火周日證明，就算「大帝」勒邦占士缺陣，佢哋仍然係NBA勁旅；周日呢支兩屆總冠軍，雖然有勒邦占士因為鼻骨手術缺陣，不過一向被視為「三弟」嘅保殊（１號）就發威，貢獻28分10籃板，主場93:79擊敗公牛。呢位大前鋒除咗球場威威，場外都好有善心，日前就同隊友柏迪亞參加一個慈善廚藝活動，仲着住圍裙整番幾味㖭，好唔好食就見仁見智，但起碼善心搭夠。