天主教、基督教、佛教、道教、孔教、伊斯蘭教六大宗教領袖，噚日各自發表新春賀辭，有別於上次個聯合賀辭有暗批佔中，今次各大宗教領袖「各自表述」，好似天主教副主教林銘話，今年馬年，馬有最少三個特性：能力、速度同忠信，祝願每個人馬年信心堅定，滿懷希望，忠心耿耿，服務人類。基督教協進會主席袁天佑牧師就話，「路遙知馬力」，年輕人有朝氣，但係要忍耐同堅持，就唔容易。孔教學院院長湯恩佳就最政治正確，話好高興見到祖國新領導班子上場後，推廉潔政策，又大力主張復興國學文化。佢又話，香港回歸17年，政制改革係近年社會嘅大主題，意見紛紜，冀望各界以理性、平和、務實態度去討論咁話喎。