曾自稱為神的巴黎聖日耳門前鋒伊巴謙莫域，的確「大愛」，一向恃才傲物嘅瑞典射手，被問到何解抗拒轉戰英超時，就一貫寸嘴表示：「我怕摧毀英超」；如此宅心仁厚，英超球員真係要跪拜你。
不過本人極懷疑以神自居嘅伊巴，只係因為當年得不到阿仙奴領隊雲格重視，懷恨在心多年都未能釋懷！伊巴曾經講過拒絕加盟阿仙奴，皆因雲格只係叫瑞典人試腳，而非認真邀請加盟，「神」心感被蔑視，認為雲格有欠誠意而憤然投身阿積士，從此踏上巨星之路。當然，學伊巴話齋，你估邊個後悔啲？
經不起試腳嘅伊巴同樣「受不起」英超嘅試煉，伊巴型爆表示怕摧毀英超後防，換轉第2個講未必信，但出自伊巴把口又真係幾合邏輯，伊巴2012年友賽三獅個人怒轟4球，自編自導自演入球騷，生怕危害英超的伊巴，的確令人「神」服！
以女性角度看球星新聞，唔用眉筆用原子筆寫低球壇百態！
文：呂晨