【守護言論自由】
【本報訊】新聞界步入冰河時期，名嘴、名筆身體力行參與反滅聲遊行，守護市民第四權。曾批評政府在審批免費電視牌照「造馬」被辭職的威普諮詢顧問前亞洲區總監伍珮瑩昨更首度上台「力撐」新聞自由，台下報以如雷的掌聲及歡呼聲，伍更披露不少廣告客戶收到高層指示要抽起媒體廣告。10年前後分別遭滅聲的名嘴鄭經翰及李慧玲在集會上壓軸「開咪」，李慧玲說不介意做小爬蟲，但絕不做應聲蟲。
記者：譚靜雯 林社炳 姚國雄
伍珮瑩去年踢爆政府處理免費電視發牌中，扭曲顧問報告原意，最後遭秋後算賬，她昨突然現身反滅聲集會台上，參加者報以熱烈的掌聲及歡呼聲，更不時高呼加油。伍珮瑩稱自己是土生土長的香港人，曾於港大讀法律，她指香港的法制及言論自由是最重要、最需要維護的核心價值。
稱客戶收指示要抽廣告
她披露，近日不少廣告客戶收到高層指示要抽媒體廣告，「最近我睇到好多、聽到好多客戶話畀我聽，由於有啲高層嘅壓力，或者有啲高層影響，令到一啲客戶抽廣告，或者唔喺某一啲媒體落廣告，希望壓制佢哋」。她擔心香港如果失去言論自由，下一代會失去生活價值，「我覺得呢啲嘢越嚟越得人驚，今時今日香港只有法制仲喺到，如果言論自由都冇埋，再咁樣落去，我好擔心下一代有啲乜嘢可以作為生活落去嘅價值」。
伍珮瑩不畏強權，為免費電視發牌事件發聲，最終被辭職，她謙虛說：「我當日做出嚟嘅嘢，只係做咗好少。」反讚揚新聞工作者才是真正不介意自己的飯碗：「新聞工作者佢哋每日都係面對呢啲壓力，如果佢哋每個人都擔心飯碗，唔再肯講真相，維護言論自由嘅話，咁香港會冇咗核心價值。」
李慧玲：一定唔做應聲蟲
10年前，「大班」鄭經翰被商台封咪；10年後，李慧玲遭商台粗暴解僱，兩代名嘴昨在特首辦外「開咪」。立法會議員黃定光日前指李是小爬蟲，大班先向李送上甲蟲公仔，李指：「有人話我係小爬蟲，我唔介意做，但我一定唔會做應聲蟲。」台下報以熱烈掌聲以表支持。
對於有人指李慧玲被封咪，要求她拿出證據，大班指自己就是證據，也是證人：「DBC董事會聲帶講到明中聯辦唔like李慧玲，呢啲唔係證據喺乜嚟？」他又認為，將來節目主持人會因為講真話而被滅聲。李稱今次遊行集會並非結束，而是開始，期望代表守護新聞自由的「藍絲帶」能夠遍地開花，「我哋如果唔喺沉默中企出嚟，將來就會喺沉默中被滅聲」。
獨立評論人協會代表程翔稱，新聞自由不單只是新聞界，而是全港市民的自由。近年一連串媒體打壓事件，他稱有人指只是人事變動、辦公室政治，程翔指反映仍有市民未感受到打壓，「如果係正常人事調動，點解受影響係比較敢言嘅記者，而唔係一啲廢柴」。
