【良性競爭】
同行如敵國，太興和翠華（1314）兩間港產茶餐廳，近年分店越開越近，如「七仔」般「梗有一間喺左近」。太興主席陳永安認為，雙方良性競爭，「雖然風格似，但一定唔會鬥爛價」。
陳永安坦言，翠華上市後，與太興「一齊密咗開舖，隔條街就見到對手」，但強調雙方互相尊重，菜種上亦稍有分別，「我哋偏中式，翠華偏西式」。翠華上市後來勢洶洶，他不擔心競爭問題，「香港人忠誠度冇咁高，你估啲人日日食翠華，或者日日食太興咩！」
翠華主席李遠康亦指，與陳永安份屬好友，「識咗好多年，大家一齊做大個餅」。今年，太興花8位數字為25周年做勢，又請藝人郭偉亮作代言人，李遠康表示，大手筆宣傳非翠華經營方針，「翠華文化即係香港文化，由香港人代言」。