一天，自比墨魚嘴，所以唔怕被炒，炒我？放馬過來，落埋雙辣椒，要火有火。
兩天，一早跟老闆簽好合約，假如被河蟹，就會開爐炒蟹一鑊熟。借埋維基金句一用：「你唔好激嬲我！」
三天，跪低和瞓低還有空間，名嘴中間落墨，就是扮大師，拈花微笑，開咪，盡在不言中。
四天，向老闆陰陰嘴表白：同志，根據彩虹國際慣例，炒，唔係到肉方法。插？OK，任你囉。
五天，名嘴向名店取經，榮升廣東道名嘴，專為內地土豪服務，邊個敢鬧敢屈？叫林鄭率領三個局長聯合愛字頭大反擊，監都有得你坐呀陳生。
六天，胸有成竹的名嘴，隨時準備好變身，由名嘴變深喉。器官唔同了，爆料威力更勁，高官領導，等着攬住一齊死。
七天，名嘴唔係豪宅名乜名物，索性回歸平淡 ，脫名嘴殼，轉型做小爬蟲。Hi，立法會議員，小心捉蟲入C忽！