徐小鳳前晚第四晚紅館個唱邀得任賢齊任嘉賓，小齊甫出場本想跟小鳳姐來個「愛的抱抱」，但因裙尾又寬又長，令他無從入手，小鳳姐見狀笑說：「你可以踩我條尾，第二個就唔得，你一定得！」之後她叫小齊說廣東話，小齊自爆瘀事：「我每次同人講『大家好，我係任人砌』，講完都淨係聽到大家狂笑。」
安哥時盧海鵬扮「徐大鳳」，小鳳姐見到他即說：「嘩！鵬哥，你越嚟越靚！做乜嘢一晚比一晚勁！」小齊獻花時，見到鵬哥忍不住問：「江湖傳聞話盧海鵬試咪全部人都要暈低，我未聽過，到底係點？」鵬哥聽後狂笑說：「你唔係夠膽喺小鳳姐個騷叫我搞啲咁嘅嘢啊！」之後齊齊將鵬哥試咪金句改成：「盧海鵬試咪，徐小鳳最威！」
撰文：熊仁