「高登男神女神」呢個頭銜值幾錢?好多藝人靠呢個朵搵唔少外快o架，所以話討得高登一班巴絲打歡心，點都有著數。
上次第二屆高登女神選舉，36歲人妻謝安琪（Kay）大熱勝出成為高登女神。男神就由馬國明勝出，話咁快，第二屆高登男神又開始接受投票啦。
今屆高登男神選舉，入圍名單非常強勁，分別有：謝霆鋒、黃子華、張國榮、陳冠希、張耀揚、周國賢、郭偉亮、張家輝、周潤發、吳彥祖、吳鎮宇、陳展鵬、馬國明等等。
其中有幾個男神可以話係大熱門，好似黃子華咁，子華喺高登嘅地位係唔可以挑戰，唔知今次子華可唔可以成功做到第一呢？而發哥都可以話係今次嘅大熱，因為近期發哥嘅親民形象，深入民心，仲有網民話發哥係新一屆民間特首0添。
當中最特別嘅，有三位，一位係林雪，佢嘅地位等同魯芬BB，除時爆冷入三甲，之後，有何韻詩，冇錯，係何韻詩，喺高登巴打心目中，何韻詩其實應該係男神。
當中有一位黑馬，樣貌唔算標青，又唔係特別man，不過近期喺高登hit爆，改圖無數，就係忽然變V煞面嘅胡鴻鈞，由於佢「後天發育」得太唔尋常，所以網民係咁拎佢嚟改圖玩，話佢「削骨還父」，兩邊面腮骨離奇消失，呢件「孝感動天」嘅事跡，可能就係高登巴打推佢上榜嘅原因，唔知佢咁「孝順」，今年會唔會爆冷成為高登男神?
結果係點？就要等到2014年3月8日投票完結之後先知喇。