徐小鳳前晚在紅館舉行第三場演唱會，請來盧冠廷、盧海鵬及張敬軒擔任嘉賓，軒仔全場勁讚小鳳姐，抱完她就讚她身發幽香，但就擦錯鞋：「你條裙，我呢兩日有睇報紙，遠望見到你條黃蜂腰，又粉紅色，好似紅衫魚。」軒仔又突然除外套露出內裏的波點衫，並說：「男裝波點衫好難搵，波波代表你，不過我個波唔夠你個波大。」小鳳笑說：「波點好難着得好睇，着得唔好就好似軒仔咁，好似藥膏一樣。」
盧冠廷說聽了小鳳姐唱歌多年，她即說：「講得咁隱晦？我哋睇落差唔多年紀。」盧冠廷說：「老老實實，我上網知道你幾多歲。」小鳳急澄清：「假㗎，當年搵工驚唔夠歲數，報大10年。」令盧冠廷啞口無言。
撰文：麥斯