【啫喱口感】
曾連續三年獲米芝蓮一星的何洪記，店內馳名食品之一即為薑葱鯇魚皮。《蘋果》邀請該店老闆娘何太試食一煮即溶的魚皮後，直指「又腍又腥」。
「未煮咁爽已經唔合理」
何太看過未經烹煮的水溶魚皮後，斷言不是鯇魚皮，又說：「（生嘅）咁爽咁挺已經唔合理。」她指鮮魚皮須經烹調，才會由軟身變為爽身。該店的大廚周師傅也指未見過有關魚皮。
記者又將預先灼了15秒，並且浸過冰水的魚皮，交給何太，她澆上何洪記的薑葱醬油後試食，說：「唔好食，又腍又腥。」記者之後試食比較，亦發現水溶魚皮的口感有點像啫喱，而何洪記的灼魚皮則爽口得像木耳。
何太指，製作白灼魚皮，須先從魚身起出魚皮，以煮過鹼水麵的水，快速灼20至30秒，隨即放入冰水內，不斷沖洗半小時，其間魚鱗會自然剝落，魚皮也會變爽；最後刮清黏在魚皮上的魚肉，將魚皮切細，混合調味料後便可上碟。
《蘋果》記者