【食用方法】
「你識唔識整？老闆話唔識整唔賣！」在旺角街市賣一煮即溶魚皮的店員說，原因是曾被顧客質疑是假魚皮。該店老闆陳先生指魚皮是從四川入口，「（鮮魚皮）都係我批發㗎啦，全香港都係向我攞嘅！」
本地街市很少有鮮魚皮出售，一般須要求相熟魚檔預留，或買魚起皮。但在大圍街市一個凍肉食品檔，以及旺角奶路臣街一個魚蛋批發店，都以清水浸泡着鮮魚皮出售。
稱放雪櫃可冷藏2個月
兩檔街市檔販的店員，均「熱心」指導買家不要久灼鮮魚皮。其中大圍檔的店員說：「（鮮魚皮）淥10至15秒好喇，淥多過20秒會唔見咗。」又指「佢（魚皮）係咁㗎，一般市面（魚皮）都係呢啲」，並聲稱魚皮來自本地。
旺角店也指「魚啲皮係咁樣㗎（指易溶），新鮮嘅鯇魚啲皮都係咁㗎」（記者曾將新鮮鯇魚皮煮5至10分鐘都沒有溶）；並稱將魚皮放入雪櫃，可冷藏1至2個月。
《蘋果》記者