慧妍雅集昨日在薄扶林舉行「不一樣的天空」呼吸機庫項目支票頒贈儀式，會長曹敏莉、會員周美欣、王愛倫及唐麗球等出席，大會亦送上100隻愛心熊給院內兒童。曹敏莉表示今次慧妍捐超過100萬，用來購買八部較小的呼吸機給院童，她說：「做咗媽咪後，自己對小朋友都會特別緊張，𠵱家我有兩個小朋友，大嗰個有時都會扭抱同呷醋。」見她已極速減磅，她說：「仲差少少，不過𠵱家兩個夠喇，唔會再追。」
周美欣表示一向喜歡小朋友，入行前想過做幼稚園教師，亦想過27歲結婚生子，但現在發覺原來要工作，希望30歲可以做到，問她現時有否追求者？周美欣說：「唔知佢哋係咪追我，有一、兩個啦，不過我會了解清楚先，我驚俾人呃。」
採訪：溫敏芝
攝影：陳慧安