從廣東道LV店血拼出來的有銀大媽，剔起一條眉回罵：「我們不來消費，你們香港還有飯吃嗎！」大家往終極處想，未富先驕，在晴朗一天，幫政府諗吓，萬一內地土豪走光光，香港將會怎樣跪低？
一，香港人冇飯開，湧去大嶼山狩獵。土炮當然不能自比英國貴族，內地環球時報譏諷港人，男的牛狼，女的金雞。大嶼山變唔成白天鵝，繼續做老鴨。
二，土豪唔幫襯，冇價講，政改一樣係搵老襯。諮詢大會，在魚蛋檔多過7-11的廣東道開，維園阿伯奉召過海，撐廣東道大媽林鄭。
三，沒有蝗蟲，陰霾論爆發，電台照原定計劃，被陰乾。各個界別的名嘴，被相分。
四，自由行、零售和地產仆直，政府盲搶地，幫年青人轉型務農。上車不如落田，粒粒雖辛苦，個個跪得綠。
五，既然假蛋都能令誠哥睇起，入股兼落鑊煎埋一份，年青人，唔靠土豪打救，醉心發明假嘢。假的發得了。