小生「小蜜蜂」同佢嘅女朋友「多嘴妹」真係愛得好鬼癡纏，話晒佢哋都仲係熱戀期，兩個拍拖時梗係特別親密啦，鬼咁甜蜜，但有時喺公眾場所，都要檢點啲先得㗎嘛。
咀完要送手袋
話說關仁聽到有一次小蜜蜂同多嘴妹一齊返男家屋企，搭𨋢嘅時候，呢對小情人完全唔理𨋢內有其他住客，多嘴妹出手摸小蜜蜂嘅肚同pat pat，跟住小蜜蜂又摸番多嘴妹塊面，最後仲咀嘴㖭。等等……仲未完㗎，出咗𨋢之後，佢哋仲喺度調情同親熱，多嘴妹話：「……唔好，你好臭。」小蜜蜂就回答話：「以前都係咁。」多嘴妹再講：「好啦，聽你一次，你返嚟要陪我去買手袋。」小蜜蜂第一時間就應承咗，真係肉麻到暈，難為同佢哋一齊搭𨋢嘅人！
撰文：關仁