吳國敬的女友Elaine在銅鑼灣經營美甲店，老闆娘獲邀明日在北京出席有關展銷活動，阿敬一直從旁協助，本月中代為安排物流公司把有關用品運到北京作準備，可是距離活動僅餘幾天，但仍未見用品送到，阿敬急如熱鍋螞蟻，昨日單拖到荔枝角的物流公司查詢兼理論，情急之下更報警求助。
被迫人肉速遞
記者接報趕到現場，阿敬自稱警方調停完先行離開，問到阿敬事件詳情？他昨日在電話中說：「其實我本月10號已叫物流公司嚟收貨，預計幾日就可送到北京，點知成個星期都未送到，後日就係活動，我梗係心急同緊張啦，今日咪嚟查問吓，情急就報咗警。結果物流公司嘅經理幫我查番資料，原來啲貨仲滯留喺東莞，因為內地農曆新年假期，好多嘢未清得及關，因為真係趕唔切，我惟有聽日親自去東莞一轉，自己提貨人肉速遞返北京，𠵱家唔追究咁多，先解決咗問題先。」
阿敬見仍有解決方法，還是以和為貴，他昨日離開物流公司，即安排今日親自去東莞，提貨後再趕飛北京，為女友的生意都出盡辦法。
採訪：譚倩宜、比華利
攝影：梁繼光
