林文龍和徐偉棟等昨日在觀塘一屋邨，為港台《警訊》拍攝微電影「毒蘋果」，飾毒品調查科情報組主管的文龍笑言是重操故業：「實不相瞞，其實我考過警察，但未等到信就被家人反對，可能怕危險，做父母係會擔心。」將來會否讓女兒自由發展？文龍說：「當然，做警察好，又唔係做賊，不過又冇諗得咁長遠，起碼仲有廿年以上，睇唔睇到都未知。」文龍透露女兒很有表演慾，但讓女兒做童星的機會是零：「我盡量希望個女喺好正常同健康情況下，唔好影響學業咁發展，因為拍劇會分心，我希望佢可以專心讀書。」
至於徐偉棟透露，亞視曾找他與爸爸徐少強拍攝《新天蠶變》：「唔知爹哋會唔會參與，我就梗係想做。」
採訪：黃曉妍
攝影：仇志德