【亂噏24】天使和魔鬼從來很難界定，最近因李慧玲事件成為風頭人物的商台首席智囊陳志雲感受最深。他早前錄影《亂噏24》時便提到人性複雜，九型人格是不足以解構人性，他又大談黎智英天使和魔鬼的一面。節目足本版逢周四晚上11時播出，讀者可在 http://bit.ly/appletalk24重溫。
撰文：馮國康、Sidekick
攝影：黃文邦
上一集節目提到，當年演藝界封殺《壹本便利》，黎智英（肥佬黎）親自跟陳志雲「拆掂」，原來兩位傳媒大亨相識十多年，當時志雲還在無綫工作，首次見面碰巧就是這間錄影房，肥佬黎笑說：「一個肥仔，食飯唔出聲，把聲咁熟……後來先知道乜晴話？」眾人補充：「韋家晴。」肥佬黎當時才驚覺志雲便是著名港台DJ韋家晴。蔡瀾跟志雲淵源更深，他所撰寫的散文小說，大部份都由志雲做旁白（電台聲演），蔡瀾認定他的聲線是最好。
肥佬黎對志雲說：「老實講，你做電台嘥咗你！如果你做幕前，你係好有天份嘅藝人。」志雲幽默的說：「你嘅意思係想我從政？哈哈！」肥佬黎老實不客氣，直情在鏡頭前挖角：「點解你唔做番節目？喂，嚟我哋度做手機節目啦！」肥佬黎又自爆曾跟志雲說了很多遍，甚至墊支給他組製作公司：「你點樣做你話畀我聽！」志雲笑說當時條件的確很吸引。
肥佬黎自認惹火
肥佬黎認定志雲是幕前人，也讚他做幕後同樣出色，蔡瀾笑說：「全世界最難搞嘅人，你都搞得掂！」似是暗示六嬸方逸華「難搞」。肥佬黎認真地說：「我唔知六嬸係咪最難搞，但如果你今日問佢最鍾意邊個喺佢旁邊做嘢，一定係陳志雲。」陳淑莊（Tanya）笑稱志雲其實很理解女人心思，志雲反駁：「每個人好唔同。所以我好反對九型人格，人係好複雜嘛。佢（肥佬黎）有啲嘢好天使，有啲嘢好魔鬼嘛。」肥佬黎追問此話何解。志雲讚肥佬黎對《蘋果日報》有堅持，那是大眾市民的價值觀；但《爽報》卻沒有道德枷鎖，有魔鬼一面。肥佬黎平心靜氣的說：「好多人話我係魔鬼，因為我哋引進咗狗仔隊。我自己俾狗仔隊追，都覺得好煩。但係娛樂界冇咗狗仔隊，娛樂新聞就冇咁過癮，亦唔會咁蓬勃。」蔡瀾則覺得用「梟雄」來形容肥佬黎較貼切。
的而且確，狗仔隊文化對本地新聞界影響不小，志雲認為狗仔隊文化亦有弊端，就是偶然會看圖作古仔，對此肥佬黎說：「我哋少啲！」但認同標題毋須太「賤」，只要花多點工夫便可「過癮而不賤」。蔡瀾亦試過被狗仔隊跟蹤的不爽經驗，當時他在專欄寫過一些關於生老病死的文章，即被誤傳病危。他說：「佢哋（狗仔隊）由我屋企跟到九龍城，影影影，你有乜嘢咪問我囉！跟我做乜嘢？雜誌出嚟變咗『面黃肌瘦』。」
長期被狗仔隊滋擾的肥佬黎當然明白箇中苦況：「話我老人癡呆，又搞到我滿頭白髮。我雖然喺度亂噏啫，都唔會老人癡呆啩？」輪到志雲說出他的經歷，他一到餐廳便有狗仔隊拍照，一向貪靚的他擺出甫士任拍，怎料狗仔隊竟叫他裝作不知情，因為要營造偷拍效果，令志雲啼笑皆非。肥佬黎承認狗仔隊文化得失過不少名人，但亦感無可奈何，他說：「我哋呢行係是非行業，如果做新聞做到冇是非，仲做嚟做乜嘢？」
肥佬黎提到假若香港一天沒有突發新聞，《蘋果日報》便可停辦。志雲提出一個較有趣觀點：「你話是非，你辦報唔會無事生非？定係見到有是非先講出嚟？然後無限擴大。」肥佬黎笑說：「都冇乜嘢擴大嘅，煽情啲啦！我哋咁多年，無論犯過乜嘢錯都好，都衝破同創新咗好多嘢。」志雲問肥佬黎認為犯過最大的錯誤是甚麼？他答：「陳健康事件。錯就實有，問題就係一定要認，同埋唔可以造假。」
膽大心細面皮厚
做得傳媒，便要隨時準備被人家指指點點，因此肥佬黎認為先決條件是面皮厚、不怕死及不顧形象，他笑說：「所以我都唔會交畀我啲仔！」志雲明白肥佬黎無可避免會得罪人，問他真正能交心朋友有幾多？肥佬黎說：「得幾位。譬如李柱銘、陳日君，我有乜嘢都會同佢哋商量吓。但老老實實，我唔係一個好多朋友嘅人，亦唔需要，因為有家庭已經好滿足。」
肥佬黎也很怕出席飯局，就算是六嬸方逸華誠意邀請，他只會赴約，甚少坐下用膳，他說：「無謂食飯呀！」然後講出因由：「我好尊重六嬸，但有時同佢食飯，我都幾tense㗎。佢又同你夾餸，食大閘蟹又同你搣埋蟹。大佬你咁嘅身份照顧我，令我受寵若驚，成餐飯都受寵若驚，好大鑊嘛！」肥佬黎又盛讚六嬸為人客氣，每年他收到的花，都是六嬸送的最美：「佢送啲蘭花畀人哋嗰啲大好多，你睇到佢心思係精心挑選每年最好嘅花送畀朋友，你叫我做都做唔到啦！」
天使魔鬼難定位 陳志雲做幕前天份高
http://bit.ly/talk243201
論成敗功過 陳志雲公開品評蘋果
http://bit.ly/talk243202
日本民族守規矩 地震照舊有秩序
http://bit.ly/talk243203
狗仔隊各出奇謀 扮偷拍先至係高手
http://bit.ly/talk243204
做傳媒要面皮厚 六親不認冇朋友
http://bit.ly/talk243205
曹操都有知心友 陳志雲本性念舊
http://bit.ly/talk243206
家輝效應 全城狂操六舊肌
http://bit.ly/talk243207
六嬸幫你搣埋蟹 你夠唔夠膽食？
http://bit.ly/talk243208
有普選先結婚 陳淑莊要等幾耐
http://bit.ly/talk243209
貴啲唔緊要 造衫最緊要用料
http://bit.ly/talk243210