【本報訊】昔日百貨股王百盛（3368）低處未算低，昨在收市後公佈截至去年底止全年純利大瀉58%，至3.54億元（人民幣．下同），遠低於市場預期的5億元，第四季更要見紅，為主要的百貨股中首次出現蝕錢的一間。有分析員預料，今日將有大量券商要調整百盛今年盈利預測，料股價會受壓。
百盛昨收報2.45元，已率先急瀉約1.6%，其今年預測市盈率約為10倍，股價已甚為低殘。繼去年6月百盛財務總裁辭職後，昨日連行政總裁（CEO）陳漢民，都宣佈以「分配更多時間予家人」為由請辭，但留任非執董。百盛會委任商品部高級總監及南區首席營運官張瑞雄，為臨時行政總裁。
料券商降盈利預測
「而家百盛CEO就係『臨時』，CFO係『署理』，咁你覺得公司有無心機去搞好業務呢？」一名分析員如此表示。昨晚百盛舉行分析員電話會議，管理層透露現時58間百貨店中，有21間是在蝕錢。「他們是騎虎難下，因為簽晒約，今年仲要開多5間分店，明年再開5間。咁既環境仲開，你話點搞？」
分析員相信，大量券商需要調整百盛今年的盈利預測，由現時平均估會賺5.4億左右，降至與去年相若水平。
百盛去年純利大跌58%，至3.54億元，意味其第四季已經要蝕數百萬元。全年同店銷售跌1.8%，與首三季時跌幅相同。雖去年百盛營業額微升1.5%，至51.1億元，但期內員工成本大增23%，租金開支亦急升26%，主要是由於開設新店所致。
去年百盛新增了6間百貨店，但新店銷售追不上成本增長，即嚴重打擊公司盈利表現。