近年致力搞網上電視的梁安琪（Angel）前年跟曾航生分手，近日被爆跟新歡同居於大尾篤村屋。昨日本報收到消息，指梁安琪的新歡叫黃偉光，已有老婆及一子，梁安琪疑是第三者，有指她曾被黃太掌摑。Angel昨日在電話中說：「太多天方夜譚出嚟，我未見過佢以前啲老婆，完全唔係真！」Angel透露對方已離婚，並是追隨她多年的粉絲，她說：「佢由我商台《搖擺天使》時已經支持我，多年來係咁追住聽我節目。」有沒有追到變成男友？她停頓一會答：「私人嘢唔講，香港城市流於八卦化，樂迷唔會關心邊個係我男友，加上19年情剛完，都需要啲空間。」
兩人屬商業拍檔
消息又指Angel眼紅曾航生工作量越來越多，相反自己的新公司要由上環搬去火炭，故自製新聞博出位。Angel連聲否認：「No No No No……真係好大鑊，我相信係啲好無聊，總之係有人惡意中傷我或者有人存在妒忌。我哋（與曾航生）前年9月已正式分手，大家不相往還，但不致敵人。另一方面，我工作量都好勁，當中一個老細，早前先投資咗50萬搞活動。」梁安琪透露公司新址有1,600至1,800呎，用作搞band騷，而黃偉光則是她商業上的拍檔，她說：「黃生係會計，之前上環係租用佢間房，𠵱家係我獨資搞生意，新場地裝修緊，預備3月2號搞opening。」
採訪：嵐山
