日前有雜誌報道指，黎瑞恩（小恩子）同老公曾智明婚姻亮紅燈，但數月前卻爆出新戀情。據報道所講，小恩子新歡係人稱「免稅店大王」鄭應南，隱形富豪，經曾志偉介紹而認識。鄭應南係有婦之夫，雖然同太太分居逾十年，但仲未離婚，而「鄭太」仍返皇權集團巡視，兩人關係唔錯，所以小恩子隨時變第三者。小恩子對此只表示不回應。
據報道所述，鄭應南同小恩子都鍾意打golf，小恩子又係現任藝人高爾夫球協會會長(AGA)，兩人不時討論波經，漸成好友。加上小恩子婚姻現暗湧，搵鄭應南傾訴，漸生情愫。上年7月，小恩子相約好友林漪淇、王馨平及賈思樂等去飯局時，表面似「唔關事」嘅鄭應南亦是坐上客。