卸任律政司司長後嘅黃仁龍重操故業後，一直成為搶手貨，唔少人搵佢打官司，但據佢嘅朋友話，佢一樣好重視家庭天倫樂，啲朋友話成日見到佢拖住囡囡行街街。雖然黃仁龍已經唔喺官場，但都仲好有江湖地位；下個月18號，香港大學就會向佢頒授名譽法學博士學位。查實喺舊年嘅10月及11月，黃仁龍已經分別獲中文大學同科技大學頒發榮譽法學博士學位㗎嘞，風頭認真不遜現任律政司司長袁國強。
除咗黃仁龍之外，另外有四位社會各界人士，包括外科醫生黃潔夫、電影導演許鞍華，眼科醫生李維達以及佛教領袖釋一行，都同時獲港大頒發名譽社會科學博士學位。