本報前日收到前亞姐曹央雲的司機投訴，自稱工作了1個月，本周一辭職追問何時出糧，但曹央雲拒接電話，還扣押他於車內的充電器及GPS導航，結果事件報警處理。司機前日在電話中指控曹央雲：「佢專佔人小便宜，初時叫我做兼職，其實想唔畀農曆年假錢，OT（超時）錢又唔計，好刻薄！」
本報昨致電曹央雲了解，她說：「呢個司機情緒有啲問題，日日同工人鬧交，佢又唔識路，紅燈停車就打機，返工時間有管理處mark低冇超時。自己唔好彩遇無賴司機，全屋都係女人，佢欺善怕惡。」對於被指沒出糧及扣押私人物品，曹央雲解釋：「佢半夜3點幾辭職，噚日嚟管理處大吵大鬧，我同警方講根據勞工法例補七日畀佢。佢知道我係邊個，加上屋企冇男人，自己有小朋友，以和為貴。」
採訪：皓騫