【空少心聲】
「每次摸完你就say sorry（講對不起）！」平機會調查顯示，每10名男性空中服務員，就有1.7人在當值時曾經遭性騷擾。任職空少多年的阿Ken（化名）直言，身邊有不少男同事「領教過」，通常在經濟艙發生，「通常會摸你pat pat（臀部），狼啲嘅，仲會掂你重要部位（下體）」。
長途機最易「遇襲」
他坦言性騷擾空少的大多是男乘客，「好多時同事表明身份唔係（同性戀者），佢哋就會stop（停止）」。
阿Ken也聽聞有空少推餐車時「遇襲」，又或者在機艙通道行走時被「觸碰」，「行過無端端俾人打咗下」，尤其是長途機，當用餐後機艙關了燈，有利下手，「我哋都明白會有正常碰撞，頭一、兩次可能個客唔小心，但經常發生就有問題」。
國泰空中服務員工會外務副主席丘志雄表示，空姐或空少當值時不幸遭遇性騷擾，通常會先通知上司，向有關乘客作出警告；若情況持續，便會報警處理。但丘志雄坦言，現行的法例不保障服務提供者受到顧客性騷擾，舉證有困難，「因為法例冇保障，冇法可依，所以係唔能夠接受」。
《蘋果》記者