【空姐剖白】
女性空中服務員執勤時，最常遇見的性騷擾是「鹹豬手」。空姐Iris（化名）直言，有同事遇過男乘客借意搭膊頭，「特登唔叫你，用手拍你」；或扮作不經意的觸碰，「好似你畀杯水佢，佢會捉住你成隻手」。她甚至聽聞有空姐因做錯事，被男乘客投訴，該客用手指直指該空姐胸部附近位置的名牌，「借啲意話我要你個名（投訴）」。
內地客觸碰名牌
Iris指不少男乘客在機上拍照，部份顯然是拍攝空姐，「唔知佢哋影乜」，只能婉轉要求對方給予照片查看，「但冇權要佢哋delete（刪除）」。她又指空姐屬服務性行業，即使遇上性騷擾，當場警告涉事男乘客，也會被反咬，向公司投訴，「話係你掂佢，甚至搵啲嘢投訴你，話你服務做得唔好」。她坦言現時沒有法例保障，「公司都好難幫」。
港龍空勤人員協會理事潘芸妮說，以前有些日本、南韓的乘客會「拍你pat pat（臀部）」，「拍一拍唔係真係摸，但你都會唔舒服」；有些內地乘客則會「𥄫住」空姐的名牌，甚至伸手去觸碰。她指現時公司沒有特別指引教導如何應付性騷擾，也承認舉證困難，因涉事空姐要重新講述事發經過，「係第二度傷害」。
《蘋果》記者