16強首回合第一星期頭4場賽事已經踢晒，馬體會同拜仁都贏，令人意外嘅係4支主場球隊全部輸晒之餘，連一球都入唔到，自從歐聯16強分拆做分開兩星期上演以嚟都係第1次，今次全部都係喺客軍讓波嘅情況下開晒上盤。阿仙奴主場失利，外國莊家都一致睇淡佢哋晉級機會，威廉希爾將賠率列為13倍。