大熱韓劇《來自星星的你》噚晚喺韓國播出第19集，承接第18集內容，千頌伊(全智賢飾)偷睇都敏俊(金秀賢飾)嘅日記，知道愛人如果繼續留喺地球就有可能會死，接著頌伊去搵張律師，問張律師都敏俊發生咩事，都敏俊係唔係一定要走，張律師就話係都敏俊太鍾意千頌伊，所以唔肯走。
講到尾，都敏俊都係為咗千頌伊。知道李載京想殺千頌伊，仲安排人喺頌伊嘅紅酒落麻醉藥，即用超能力去搵頌伊，再次當眾消失，帶頌伊去醫院，好在最後有驚無險。轉個頭，兩人去到長蛇島，兩個人手拖手，漫步遊覽。千頌伊情深望住都敏俊，並向都敏俊感動表白：「我愛你，雖然我有啲不安，你隨時會離開，但我希望時間能停止呢一刻，如果你永遠唔走就最好。」都敏俊為千頌伊抹眼淚，之後就鍚咗千頌伊一啖，點知都敏俊咀完千頌伊又再暈倒，認真搞笑。
埋尾仲有萬眾期待嘅求婚情節，今次有料到﹗搞喊咗千頌伊，但愛唔一定要擁有，
頌伊都係揀分開，叫都敏俊要生存落去，返回原來嘅地方。