馬刺呢排真係不利新聞滿天飛，繼前金塊教練卡爾爆料，話馬刺37歲中鋒鄧肯（後）打埋今季就退休之後，教練普波域治就話，後衞柏加因為周身傷，可見嘅未來都會缺陣，講到咁嚴重，周二作客快艇當然冇呢位西岸明星成員份；好彩馬刺靠將士用命，鄧肯貢獻19分及13籃板雙雙，加上射手柏迪米爾斯攻入25分，幫球隊作客以113:103擊敗對手。