【壹週刊】陳芷菁日前再指摘黃秋生，公開指佢未交會費，但秋生就踢爆係佢話唔使交。專搞小動作嘅芷菁，原來同王祖藍、洪天明、林家棟都有過節。身為演協理事之一嘅祖藍，曾經因為芷菁請秋生食閉門羹一事，同芷菁嘈到拍晒枱。祖藍覺得再做落去都冇乜癮，所以未期滿就辭任理事。
而選舉當日，有幾個演協理事曾經建議邀請呂慧儀、郭少芸入去做，但陳芷菁覺得佢哋係秋生嘅人，所以反對，搞到天明好不滿！唔知喺經常唔喺香港，又成日失言嘅新會長成龍，同埋咁鍾意搞小動作嘅秘書長陳芷菁帶領下，演協會有一番咩嘢新局面呢？
iPhone版下載： http://goo.gl/1SDaWF
Android版下載： http://goo.gl/xfQS8D