狼英同官場奶媽林鄭，連同三局長開腔聲討反蝗人士，引發佢哋密謀登報反擊。
一班反對過量自由行嘅人士，就喺網上呼籲人人夾錢300蚊，喺報紙刊登一個題為「自由行政策出錯 政府應深切反省」嘅聲明，批評特首及多位高官唔正視「驅蝗行動」遊行人士嘅訴求，反而抽水發惡，所以嚴正要求取消一簽多行、開徵陸路入境稅等措施，仲話若果高官能夠正視訴求，減少大陸遊客入境，何須「驅蝗」？呢個聲明冇嗰啲乜嘢「源頭減人」等敏感字眼，相信冇乜人會反擊啩。
另一方面，有網民就發揮創意，諗緊發動一個「讓愛與拖篋佔領旺角」大行動，諗住人人拉篋去旺角癱瘓交通，等政府官員明白吓市民俾自由行拉篋阻街之苦。