特首辦新聞統籌專員（IC）馮煒光早排喺傳媒友好fb留言「回應」有關李慧玲被封咪事件嘅「查詢」，雖然官場同政圈嘆為觀止，但八方據聞，馮專員以其「專業」評估，認定「反應良好」，所以噚日再接再厲喺fb開「記者會」，回應記者問佢為乜以往兩批示威者互相指罵，政府唔譴責，今次就譴責反蝗示威者？馮仲以「歷史系博士研究生」自居，話留意到英國人撤出殖民地，總有人挑起族群矛盾。嘩，英國人都走咗成十幾年，佢都可以將示威扯到去英國人身上，真係好嘢！其實馮專員咁好辯才，齋做「鍵盤專員」只喺fb開「記者會」有啲嘥，何妨出嚟直接面對記者？