【本報訊】何正岐利結業倒數一個月，有裝修師傅大手掃入10多條鋸片慢慢用，「第二度買唔到咁靚鋼水㗎」，家用廚刀和磨刀石都被搶購一空；也有熟客純為敍舊，「過嚟見多你哋幾面嘛！」
刀癡獲贈彎刀
熱愛廚藝的刀癡方先生，家裏珍藏約10把刀，其中一把有30多年歷史的何正岐利文武菜刀，本來母親留給他時有點生銹，他試自行在家磨，然後帶到舖裏向成哥請教，「佢讚我磨得好過好多師傅，完全無失禮把刀，好開心」。之後不時找成哥飲茶。新年期間，成哥特意將一把由過身20年的師傅做的九江彎刀留給他，「係以前啲刀匠做出嚟嘅技術，設計好平均，比一般菜刀仲輕，但斬雞、切排骨時又好有力，真係好好用」。
從前在刀莊舊舖旁開藥材舖的黃先生，昨亦有到場，「我同成哥都係太子爺，由細玩到大」。他大爆當年何太是區內三大廠花之一，何老闆對她一見傾心，於是黃生就不時舉辦燒烤和派對活動撮合他們。
被問到成哥是否對自己一見鍾情時，64歲的何太一臉靦腆說：「我都唔知，佢冇講呢個秘密給我聽。」在旁的成哥則笑不攏嘴。