寫美容瘦身板塊前有點遲疑，因為Samantha對當日升得快，跌得更急的過山車之旅歷歷在目，若要坐順風車，寧揀架硬淨啲，必瘦站（1830）是云云變靚股中，業績表現最突出，去年尾公佈的中期純利增29.5%至4,220萬元，派息比率百分百，點解仲有得追？因為主席歐陽江早前透露，承着打入中國市場，料三年可翻一番，五年可翻兩番。
我等港女最怕俾sales關在美容院。一眾女同志錢唔怕使，只怕美容師唔知敷啲乜嘢喺塊臉度！在女同胞支持下，本港美容業年產值高達數百億，進佔全球第二，必瘦站在內地收費仲可以貴過香港，呢啲都係香港品牌優勢。
必瘦站5年前進軍內地，現時內地業務佔總收入六成，在這個年均消費額高達1,000億元人仔的市場爭食。
美容股翻身關鍵還看業務變更，必瘦站由「賣瘦」到「變靚」，去年主力搞醫學美容，好似打botox和透明質酸呢啲打開有條癮嘅療程，令到港澳業務收益按年大增七成。主席更透露，醫學美容毛利可觀，人均消費由1.2萬元急增至3萬元。這亦解釋點解過去幾年美容行業有毒針事故、纖體店關門等消息，該股股價仍能由去年年初至今飆1.8倍，若睇中呢隻美容股，可待回落至10日線買入。
Samantha
本欄逢周一、三、五刊出