周秀娜以2,000萬元簽約蕭定一的中國3D數碼娛樂公司，拍攝12部電影，昨日在黃埔舉行簽約儀式，娜姐以大露背開衩裙示人，於兩名大隻水手陪同下，乘遊艇到現場，上船時因大風裙被吹起，娜姐一雙美腿盡現人前。
對於有2,000萬元片酬，娜姐坦言：「好開心蕭生咁信任我，都想喺電影方面做啲成績，可以有好嘅作品。」對於會否感到壓力？她謂：「暫時都未有嘅，咁我當然希望拍嘅戲有好票房，但呢啲我控制唔到。」問到如何運用這筆厚酬，會否買樓？娜姐表示未有時間睇樓，暫不置業，但就買了一架跑車，獎勵自己。要拍12部電影，合約有否寫明不准拍拖結婚大肚？娜姐笑言：「可以結婚，但唔好拍拖同唔可以生仔，自己都冇諗住拍拖，事業為重先。」
採訪：胡比
攝影：陳慧安