莫文蔚（Karen）父親莫天賜不幸於上月27日，因心臟病發在家中猝逝，終年76歲，其家人昨日在香港殯儀館為莫爸爸設靈，喪禮採用道教儀式，再擇吉日安葬。洪金寶與高麗虹夫婦，羅家英、楊采妮及施南生等圈中人，以及前政務司司長陳方安生、議員劉皇發等到靈堂弔唁，而Karen前度男友馮德倫亦致送花圈。
「件事嚟得好突然」
Karen與家人三點前已到達殯儀館打點，其母莫何敏儀明顯比前消瘦，而Karen傍晚時分在工作人員陪同下現身受訪，她首先雙手合十說：「大家有心，今日天氣好凍，快啲返屋企。」隨後續說：「好多親友好有心，好遠水路返嚟，我哋OK，感謝大家，件事嚟得好突然，突然間好多事要去處理，事前冇心理準備，得到好多人支持幫助好感恩。」
Karen表示待手上必須要完成的工作結束後，就暫停工作陪伴媽咪：「呢段時間會畀晒屋企，冇嘢重要過親情，尤其係媽咪。」莫天賜生前編寫的書《給莫文蔚的嫁妝：幸福安家湯水》最近獲獎，問Karen會否為爸爸感自豪？她說：「反而爹哋好proud of我哋。」
洪金寶離開時緊張地護着太太，並坦言對莫天賜及午馬先後離世而感到難過，他說：「所以大家一定要開心啲，祝大家人人身體健康。」
採訪：馬建華
攝影：陳俊強
