羅家英上周因肝臟長出新的腫瘤，入住養和醫院一星期進行手術，前日在微博上報平安，透露康復進展不俗，昨日到養和拆線，傍晚則戴上冷帽及口罩，現身莫文蔚亡父的喪禮，他透露傷口仍隱隱作痛：「傷口仲痛，唔使再做手術，但要定期做磁力共振，呢兩個月休息為主。」
汪明荃（阿姐）昨日於九龍灣以安老大使身份出席保良局活動時，亦透露家英哥暫時康復得十分好，但因有工作在身未能陪同他拆線，問到可會擔心，她說：「唔會，醫生咁好，係最好嘅醫生。」
家英哥於微博上自言表示好彩，阿姐說：「係呀！呢啲病冇得講，冇得防範，又唔痛又唔盛，無乜嘢預兆，𠵱家佢暫時要食得清淡，以瓜類及魚為主。」問到她近日是否較辛勞，她說：「係呀，盡下做老婆嘅責任，佢暫時需要休息兩個月，等裏面嘅傷口埋口。」
採訪：馬建華、王崇穎
攝影：陳俊強