唐英年嗰單唐宮僭建案，有關太太郭妤淺嘅部份已經完結。既然冇咗單官司喺身，難怪唐唐呢排越嚟越風騷啦。
唐太向飯腳敬酒
八方前晚7點幾，撞到唐唐帶埋太太，約埋一班好友，包括經濟發展及勞工局前局長葉澍堃、地產界立法會議員石禮謙等一行七人，去咗中環九如坊間Le Port Parfum𥌎法國菜餐廳食晚飯。
八方睇過唔少人嘅食評，大讚呢間法國菜嘅海鮮超正，雖然唔知唐唐有冇試食海鮮，但就見到佢攞住杯紅酒飲得好開心。
八方只見唐唐成晚杯杯乾之餘仲一直笑到蓮子蓉咁嘅面口，唐太亦不時向其他人敬酒，飲得唔少過唐唐㗎！
飲咗大概半個鐘左右，唐唐喺門口等緊嘅司機大哥，好機警咁發現八方後，即時同唐唐通風報信。唐唐之後向門口望咗一陣，再同身邊嘅人耳語幾句之後，繼續杯莫停地放懷咁飲。想當日，如果唐唐真係選到特首，邊可以好似𠵱家咁風騷吖！