電台唔理好醜，至緊要臉皮厚，食住上，馬上製作一系列「晴朗」節目，贈自己興：
「在晴朗一天跪低」：因為跪低是聽唔到的，所以主持人要不斷提醒聽眾，他和她，正處於半跪或者全跪，以至，見到特首和西環人，通跪。
「在晴朗一天，不出惡言」：主持索性全程閉嘴，由嘉賓硬銷自己。嘉賓唔怕俾人窒到口啞了，所以，阿波局長即刻答應上台。
「在晴朗一天，小心你份工」：主持教人點樣保住份工，一定要惜住梁粉，慢慢𠱁，俾好多like，份工才會比曾蔭權那份易done。
「在晴朗一天，獻膠袋」：欠交代是死症，所以要轉移視線，電台發起獻膠袋行動，名嘴幫港出膠。
「在晴朗一天，瞓低」：主持瞓低做節目，擺明車馬，接硬東莞棒，挺！將電台搞得有聲有色！各位尊貴的內地高幹訪港，唔使再去廉記食魚蛋！續牌？冇難度。