羅馬周日意甲憑前鋒迪斯度梅開二度，加上中場比真歷建一功，主場3:0大炒森多利亞，但呢場波原來南看台一個球迷都冇，皆因呢個長期由羅馬極端球迷霸佔嘅南看台，早前涉嫌嗌種族歧視口號，被意大利足總判罰，未來兩輪聯賽要關閉呢個看台。不過，羅馬班球員都好識做，就算冇球迷，佢哋都保持一貫作風，完場後拉隊跑去南看台歡呼致謝（圖），認真有心。