唔少名宿都獲安排比賽期間坐喺場邊，好似中國中鋒姚明（左）都有出席，不過NBA生涯一直效力火箭嘅姚明，竟然獲安排坐喺東岸後備席後面，同唔到師弟懷特侯活同夏登交流，只好同公牛中鋒諾亞吹吓水。而爵士名宿、「郵差」馬龍就着件短袖恤衫牛仔褲現身，其他人好隆重着晒老西，馬龍就好似去超市買餸咁。