繼李娜刷新中國女網手單打世界排名新高第2位，另一位中國球手彭帥（左）亦有好表現。兩岸組合彭帥/謝淑薇喺上周六多哈網賽女雙賽事順利奪冠，前者喺最新公佈嘅女雙世界排名，亦一如所料升上第1。呢個位置喺過去足足10年，一直由歐美球手壟斷，上一位亦係唯一一位進佔女雙榜首嘅亞洲球手，就係日本名將杉山愛，今次彭帥算係創咗另一中國球手先河。