大家睇波咁多年，都知有時總有啲「不速之客」會衝入球場搞搞震，拖延下比賽時間；露體狂見過唔少，而有時動物亦係其中一分子。阿甲周日一場由羅沙里奧中央對河床嘅聯賽，期間就出現一隻狗狗衝入球場，令到比賽暫停。而當球證正想將佢驅逐離場之際，隻狗竟然狗有三急，就喺禁區內便便（圖），個個都睇到呆晒，要由工作人員走出嚟清潔球場，先可以繼續比賽，場波最終1:1完場。