富咸上周五聘請咗馬加夫（圖），代替梅倫史甸執教；但曾經同呢位60歲教頭共事過嘅拜仁慕尼黑會長漢尼斯，就大潑冷水，話對方之前教拜仁時，出名對球員苛刻，仲話佢操練時，根本唔當球員係人，完全罔顧佢哋健康，操到啲球員大嗌辛苦都唔停。而當佢離任拜仁時，成班拜仁球員即刻開P慶祝。唔知漢尼斯呢番說話，富咸班高層聽完會唔會驚請錯人呢？