志雲提到狗仔隊文化有弊端，就是偶然會看圖作古仔，肥佬黎說：「我哋少啲。」他提到起標題無需要太「賤」，只要花多點功夫便可以過癮而不賤。蔡瀾亦曾被狗仔隊跟蹤，當時他在專欄寫過一些關於生老病死的文章，即被誤傳病危。他說：「佢哋（狗仔隊）由我屋企跟到九龍城，影影影，你有咩咪問我囉！跟我做乜？雜誌出嚟變咗『面黃肌瘦』。」長期被狗仔隊滋擾的肥佬黎當然明白箇中苦況：「話我老人癡呆，又搞到我滿頭白髮。我雖然喺度亂噏啫，都唔會老人癡呆啩？」輪到志雲說出他的經歷，他一到餐廳便有狗仔隊拍照，一向貪靚的他擺出甫士任拍，怎料狗仔隊竟叫他裝作不知情，因為要營造偷拍效果，令志雲啼笑皆非。肥佬黎承認狗仔隊文化得失過不少名人，但亦感無可奈何，他說：「我哋呢行係是非行業，如果做新聞做到冇是非，仲做嚟做乜？」
想知狗仔隊有幾神通廣大？星期四晚《亂噏24》足本版預埋你！