雖然肥佬黎認定志雲是幕前人，但也讚他做幕後同樣出色，蔡瀾笑說：「全世界最難搞嘅人，你都搞得掂！」肥佬黎認真地說：「我唔知六嬸係咪最難搞，但如果你今日問佢最鍾意邊個喺佢旁邊做嘢，一定係陳志雲。」Tanya記得志雲曾提到不理解女人心思，提出這便是反證，志雲笑說：「每個人好唔同。所以我好反對九型人格，人係好複雜嘛。佢（肥佬黎）有啲嘢好天使，有啲嘢好魔鬼嘛。」肥佬黎追問此話何解。志雲讚肥佬黎對《蘋果日報》有堅持，那是大眾市民的價值觀；但《爽報》卻沒有道德枷鎖，有魔鬼一面。肥佬黎平心靜氣的說：「好多人話我係魔鬼，因為我哋引進咗狗仔隊。我自己畀狗仔隊追，都覺得好煩。但係娛樂界冇咗狗仔隊，娛樂新聞就冇咁過癮，亦唔會咁蓬勃。」
星期四晚《亂噏24》足本版, 志雲大師打開天窗說亮話！