【北京直擊】陳慧琳（Kelly）、梁家輝和鄭伊健合作的爆笑偵探電影《盜馬記》，昨日在北京舉行記者會，該片在布拉格和英倫等地取景，台上播出預告片和拍攝花絮，Kelly在片中扮演新聞主播，家輝演的神偷更會扮修女、黑人和乞丐等，造型搞笑。
「腳又好幼好靚」
家輝和Kelly曾合作客串電影《迷離夜》，再次合作，家輝笑說：「好開心同好多人心目中嘅女神合作，自己覺得唔匹配，但佢係我個女嘅偶像，多年前自己尷尬問佢攞簽名。」Kelly大讚家輝：「佢扮女人真係好似，仲同我鬥邊個女人味勁啲，又整晒指甲，腳又好幼好靚。」伊健也指家輝扮外國女人最似。
自言嚴肅了多年的家輝，表示難得再遇導演李志毅合作輕鬆戲，家輝說：「仲輕鬆過去旅行，加上暑假全家去，唔似開工。」有指他拍攝時不慎摔斷三條肋骨，他說：「總有意外，唔關拍戲事，託賴完成戲份。」
扮主播的Kelly也受傷，她說：「有場戲喺攀石訓練中心拍，因為太趕要一take過，但真正攀石要解好耐繩，諗住簡化，點知跌咗落地，好在touch wood離地一個身位唔係好高，但梗係驚，嚇到我死，差啲頭撞落鐵車軌，好在冇事，虛驚一場。」
伊健唔興送禮
伊健新年跟老婆蒙嘉慧去日本旅行，豈料蒙嘉慧滑雪傷韌帶，伊健說：「佢下個月要拍王維基劇，𠵱家要戒口。」問是否親自照顧太太？他說：「我要開工，情人節都通宵，禮物都冇，唔興大時大節送，冇驚喜。」
採訪、攝影：曾小嘉
