民記新丁葛珮帆（EQ）同何俊賢（高佬）趁新年完結前，去流浮山推介本地有機蔬菜同綠洲龍躉。過去廿年都鍾意潛水嘅EQ話，一向關注本港水質問題，特別搵嚟本港唯一飼養綠洲龍躉嘅亞洲水產養殖科技老闆、永安百貨執行董事郭志一，同記者講解點解香港啲魚越來越少。
點知郭老闆直插政府，指當年政府因為起赤鱲角新機場，掘起晒啲海底泥，香港水質自此直線下降，EQ聽到後即刻話，其實唔少國家水質都係差咗，仲向記者推介一籃子有機蔬菜打圓場。
嚟自漁農界嘅高佬就即席表演網龍躉，再將條龍躉運去當年特首江湖飯局主場「小桃園」即場劏埋食落肚。