不經不覺，黎智英與蔡瀾相識已近二十五年，當時蔡瀾主持節目《今夜不設防》，肥佬黎擔任嘉賓，網上亦可搜尋到當年片段。陳志雲問蔡瀾對肥佬黎的印象究竟是天使還是魔鬼？蔡瀾答：「佢係歷史上一種梟雄！」肥佬黎認識志雲也有十多年，當時他還在TVB工作，首次見面剛巧就是這間錄影房：「一個肥仔，食飯唔出聲，把聲咁熟……後來先知道咩晴話？」眾人補充：「韋家晴。」肥佬黎當時才驚覺志雲便是著名港台DJ韋家晴。
蔡瀾跟志雲淵源更深，他所撰寫的散文小說，大部份都由志雲做旁白，蔡瀾認定他的聲線是最好。肥佬黎對志雲說：「老實講，你做電台嘥咗你！如果你做幕前，你係好有天份嘅藝人。」志雲幽默的說：「你嘅意思係想我從政？哈哈！」肥佬黎老實不客氣，直情在鏡頭前挖角：「點解你唔做番節目？喂，嚟我哋度做手機節目啦！」肥佬黎又自爆曾跟志雲說了很多遍，甚至墊支給他組製作公司：「你點樣做你話畀我聽！」志雲笑說當時條件的確很吸引。
肥佬黎公開搵陳志雲過檔？星期四晚記得收睇足本《亂噏24》！