前日有一套台灣同內地嘅合拍劇《光環之后》播出，喺呢一套劇入面，差唔多每個女演員都有大膽嘅演出，雞排妹都唔例外，之前都有講過雞排妹拍過一場半裸嘅女上男下嘅戲份，佢仲話係因為唔習慣男上女下，所以先要女上男下，喺《光環之后》嘅預告度，就可以見到呢一場戲。
而喺第一集嘅《光環之后》，雞排妹先嚟一個好大膽嘅除衫鏡頭，仲要係真空，除咗除埋個胸圍，之後仲要用手夾一夾，事業線即時迫爆鏡頭。
喺第二集，雞排妹就嚟個內衣catwalk，佢著上一個粉紅色嘅胸圍，真係引死人，仲有一幕係講雞排妹同另一個女仔喺後台講到點樣令個胸集中啲，雞排妹再嚟個雙手一夾，相信唔少宅男睇到都會流晒口水。
而最令人男士開心嘅係，喺呢兩集入面，每次見到雞排妹都一定係谷胸上陣，就算只係講一兩句對白，都會谷「行」個胸。套劇一共有40集，仲有38集，唔知雞排妹除咗谷胸同女上男下，仲會有啲咩超大膽嘅演出呢？